Əliyeva Nərmin Tahir qızı

Əliyeva Nərmin Tahir qızı 9 yanvar 2004-cü ildə Bakı şəhərində anadan olub. Uşaqlıq dövrü çox maraqlı keçmişdir. Üç yaşına kimi çox sakit, lakin diqqətli bir qızcığaz olmuşdur. Bir az böyüdükdən sonra ətrafda gördükləri ilə maraqlanmış və tez-tez suallar verməyə başlamışdır. Üç yaşında “Bacarıqlı əllər” dərnəyində iştirak etmiş, dörd yaşında məktəbəqədər hazırlıq kurslarına getmişdir.

I sinfi Bakı şəhər 60 №-li orta məktəbdə, sonra N. Tusi adına liseydə oxumuş, hazırda isə İdrak liseyin VII sinfində təhsilini davam etdirir. Oxuduğu illər ərzində dərslərindən aşağı qiymət almayıb. Həmişə dərs əlaçısı olmuşdur. İngilis və alman dillərini mükəmməl öyrənməyə böyük həvəs göstərir, hər iki dil üzrə müxtəlif kursların dinləyicisi olub. 2015-ci ildə Almaniya Federativ Respublikasının Landsxut şəhərində keçirilən kurslarda iştirak etmək üçün dəvət almış, onun dinləyicisi olmuş və yekunda diplomla təltif edilmişdir. Ədəbiyyat, biologiya və kimya fənlərinə böyük maraq göstərir. Rus, ingilis və alman dillərində inşa yazmağı çox xoşlayır. Hələ ibtidai sinifdə oxuduğu zaman sinif rəhbəri Natəvan Abdullayevanın zəhməti sayəsində musiqiyə böyük həvəsi yaranmışdır.

Nərmin balaca uşaqları çox sevir və onlara böyük məhəbbəti var. Bəlkə elə buna görədir ki, o, uşaq həkimi olmaq arzusundadır. Onun әn böyük arzusu orta mәktәbi müvəffəqiyyətlə bitirmәk vә istədiyi ali mәktәbә daxil olmaqdır.