Əliyeva Türkanə İltifat qızı

Əliyeva Türkanə İltifat qızı 2003-cü il yanvarın 1-də Bakı şəhərində dünyaya göz açıb. O, məktəbə gedənə qədər bütün hərfləri tanıyır, saymağı bacarır, dövlət rəmzlərini bilir və təhlil edirdi. Əmircan qəsəbəsindəki Dilavər Məmmədzadə adına 232 saylı tam orta məktəbin şagirdidir. Çalışqan və məsuliyyətli şagirddir. Azərbaycan dili, fransız və ingilis dili, tarix fənlərinə daha çox marağı var. Məktəbin bütün tədbirlərində fəal iştirak edir, şeir söyləyir. Uğurlarına görə fəxri fərmanla təltif olunub. IV sinifdə oxuyarkən məktəblərarası sınaq imtahanında II yer tutub və sertifikat alıb. Şeir deməyi çox sevir. Yaxşı şeir dediyinə görə “İcmal” qəzetinin 26 noyabr 2012-ci il tarixli sayında “Üçrəngli bayrağım” başlığı altında haqqında məlumat verilib. Əldə etdiyi uğur və nailiyyətlərə görə özünü Allaha, valideynlərinə borclu hesab edir. Müəllimlərinin onun üstündə əziyyətini və valideynlərinin dəstəyini yüksək qiymətləndirir.

Asudə vaxtlarını kitab oxuyur və bilik yarışmalarını izləyir.

Ən böyük arzusu cərrah olmaqdır. Düşünür ki, yaxşı cərrah olmaqla insanların sağlamlığının keşiyində duracaq və vətəninə olan vətəndaşlıq borcunu bu cür yerinə yetirəcək. Tarixin yaddaşında tanınmış cərrah, yaxşı insan kimi qalmaq istəyir.