Abbasov Rafiq Mübariz oğlu 22 may 2004-cü ildə Sumqayıt şəhərində dünyaya göz açmışdır. Rafiq məktəbə gedənə qədər yazmağı, saymağı, hətta vurma cədvəlini belə bilirdi. Bütün bunları ona anası Yadigar xanım öyrətmişdir. Rafiq dərslərini çox yaxşı oxuyur və ən çox sevdiyi fənlər tarix, biologiya, ingilis dili və riyaziyyatdır.

Rafiq ilk təhsilini Sumqayıt şəhəri 16 saylı məktəbdə alıb. O, bir çox olimpiadalarda və şeir müsabiqələrində iştirak edib və bir çox fəxri fərmanlarla təltif olunub. 2014-cü ildə Bilik tədris mərkəzinin sınaq imtahanından yüksək nəticə göstərdiyinə görə, 2012/2013-cü tədris ilində dərslərini əla qiymətlə bitirdiyinə görə fəxri fərmanla təltif olunmuşdur.

 Rafiq gələcəyə çox böyük ümidlər bəsləyir və onun gələcəklə bağlı maraqlı planları var. Rafiqin ən böyuk arzusu ali təhsilini Oksford universitetində almaqdır. Əsas hədəfi hakim olmaqdır. ”Mən başqa ölkədə təhsil alaramsa, universiteti qutardıqdan sonra yenə Azərbaycana qayıdacam və hakim olacam” deyən Rafiqin nə qədər vətənpərvər biri olduğunu, vətəni, xalqı necə sevdiyini göstərir. Rafiq 5 yaşından hakim olmağı arzulayır.

Asudə vaxtlarında üzgüçülüklə məşğul olur, oyun oynamağı və televiziyaya baxmağı sevir. Futbol həvəskarı olan Rafiq “Real Madrid” azerkeşidir. Bundan başqa Rafiq bəzən şifahi ifadə edə bilmədiklərini yazıya alır. Rafiq bədii əsərlər oxuyur. Aşağıdakı şeir nümunəsi Rafiqin duyğularının dilidir.

Payız

 Payız gəlir, əsir külək.

 Düşür yerə qızıl yarpaq.

 Xəzəl olur gül, çiçək.

 Qızıl rəngə dönür yarpaq.

 Yağış yağır narın-narın,

 Almaları yuyur bağda.

 Alov kimi rəngi sarı

 Şölə saçır hər budaqda.