Güllər ilk təhsilini Goranboy şəhəri, 2 saylı tam orta
məktəbdə almışdır. Hal-hazırda isə Bakı şəhəri 132-134 saylı Təhsil Kompleksində
6 ç sinfində təhsil alır. Müəllimlərini və sinif yoldaşlarını çox sevir. Dərslərini
yaxşı oxuyur. Bütün fənləri sevsə də, fizika və biologiya fənlərinə marağı daha
böyükdür.
Məktəb və sinif tədbirlərində hər zaman fəal
iştirak edir. Məmmədzadə Güllərdə 4-cü sinifdən təsviri incəsənətə maraq daha
qabarıq nəzərə çarpıb. Boş vaxtlarında rəsm çəkməklə və kitabda müxtəlif paltar
modelləri çizməklə məşğul olur. Həm də internetdən müxtəlif maraqlı mövzuları
öyrənib düzəltmək, tətbiq etmək qabiliyyətinə malikdir. Buna görədir ki, bayramlarda
evdə müxtəlif maraqlı oyunlar, viktorinalar təşkil edir, slaydlar hazırlayır. Ən
böyük arzusu da məhz rəssam-modelyer olmaqdır. Düzdür indi vaxtının çox hissəsini
oxumağa həsr edir. Bilir ki, gələcəkdə hər hansı bir peşəyə yiyələnmək üçün çox
yaxşı təhsil almaq zərurudir.
Güllər heç kimə yox, ancaq özünə bənzəmək istədiyini
söyləyir. Bu da onun bir şagird kimi özgüvəninin yüksək olmasından xəbər verir.
Özünü öncə Allaha, sonra isə valideynlərinə və müəllimlərinə borclu hesab edir.
Ancaq yaxşı əməlləri və xoş ünsiyyəti ilə tanıdıqlarının yaddaşında qalmaq istəyir.
Bütün uşaqlar kimi o da ali məktəbə daxil olmaq, vətəninə, xalqına və ailəsinə
layiqli övlad olmaq istəyir. Güllərin hərtərəfli və müsbət xüsisiyyətlərə malik
olmasında təbii ki, ailəsinin,təhsil aldığı məktəbin və müəllimlərinin böyük
payı var.
Biz də öz adımızdan bu istedadlı qızımıza uğurlar
diləyirik. Yolun açıq,şansın bol olsun, Güllər!
Комментариев нет:
Отправить комментарий