Dəmirov Ələkbər Xudayar oğlu 21 dekabr 2001-ci ildə Abşeron rayonu Ceyranbatan qəsəbəsində dünyaya göz açıb. Valideynləri Ələkbərin dəcəl, amma ağıllı uşaq olduğunu deyirlər. Yazıb-oxumağı məktəbə gedənə qədər anasından öyrənib.

Hazırda Ceyranbatan qəsəbəsi 1 №-li orta məktəbdə təhsil alır, dərs əlaçısıdır. Bütün fənlərdə xüsusi fəallıq göstərir.

İdman və digər sahələrdə qazandığı uğurlara görə valideynlərinə və müəllimlərinə borclu olduğunu deyir. Məktəbdə keçirilən tədbirlərdə fəal iştirakına görə diplomla, fəxri fərmanla təltif edilib.

Gələcəkdə tarixin yaddaşında yaxşı insan və savadlı mütəxəssis kimi qalmaq istəyir.

Həyatının ən uğurlu günü məktəbə getdiyi gün olduğunu deyir.

Asudə vaxtlarında idmanla məşğul olur, bədii kitablar oxuyur. Gələcəkdə ali məktəbdə oxumaq və vətənimizi xaricdə təmsil etmək ən böyük arzusudur.