Məmmədov Əli Eldar oğlu 15 sentyabr 2006-cı ildə Bakı şəhərində dünyaya göz açıb. Uşaqlıqda çox dəcəl, hər şeylə maraqlanan, diqqətli olub. Əli uşaqlıqdan futbol oynamağı, heyvanlar aləmindən bəhs edən verilişlərə saatlarla baxmağı, kitab oxumağı və şahmat oynamağı sevir. Məktəbə gedənə qədər oxumağı və yazmağı bilirdi. Bunları müəllimi Svetlana xanım öyrədib. Əli 5 yaşından qarşısına məqsəd qoyub ki, riyaziyyat fənni üzrə alimlik dərəcəsinə qədər yüksəlsin. O, I sinifdə 5 saylı orta məktəbə gedib və hazırda orada təhsilinə davam edir. Təhsil ocağında keçirilən bütün bayram və tədbirlərdə iştirak edir. I sinifdə “Buratino” adlı bayram tədbirində iştirak edib və orada dəniz qulduru rolunda çıxış edib. Həyatında ən maraqlı və yaddaqalan gün ilk dəfə orta məktəbə getdiyi gündür. Dərslərini mükəmməl oxuyur və əlaçıdır. Ən sevimli fənləri riyaziyyat, ingilis dili, informatikadır. III sinifdə məktəb üzrə keçirilən məntiq və riyaziyyat olimpiadasında komandada iştirak etmiş və komandası I yer qazanmışdır. Boş vaxtlarında heyvanlar aləmi haqqında sənədli filmlərə baxır. Gələcəkdə riyaziyyat və fizika üzrə alim olmaq arzusundadır. Bu fikrə III sinifdə oxuyarkən gəlib.